न्युयोर्क । पछिल्लो समय सोसल नेटवर्क मान्छेको लत बन्न थालेको छ । सार्वजनिक कार्यक्रममा समेत मान्छेहरू हिजोआज मोबाइलमा फेसबुक, ट्विटरजस्ता सोसल नेटवर्क चलाइरहेका पाइन्छन् । यस्तो लतमा सर्वसाधारण मात्र नभइ सेलिब्रेटी पनि परेका छन् । केही यस्ता सेलिब्रेटी छन्, जो २४ घन्टामा १२ घन्टा सोसल नेटवर्कमै झुन्डिरहेका हुन्छन् । तर, यसैबेला बलिउड अभिनेत्री केली ब्रुकले भने ट्विटर, इन्स्टाग्राफजस्ता सोसल मिडियाबाट टाडा हुने प्रतिज्ञा गरेकी छन् । यी अभिनेत्रीले नयाँ वर्ष २०१५ को अवसरमा यस्तो प्रतिज्ञा गरेका हुन् ।
अमेरिकाबाट प्रकाशित लाइफस्टाइल म्यागजिन ‘ओके’ ले जनाएअनुसार हलिउड फिल्म ‘वन बिग ह्याप्पी’ की अभिनेत्री केलीले नयाँ वर्षदेखि नै आफ्नो मोबाइल फोनमा पटक–पटक इन्टरनेट चेक गर्ने लत छाड्ने प्रतिज्ञा गरेकी हुन् । पछिल्लो समय केली र उनका साथी डेबिड मैक्लन्टोसबीच ट्विटरमा गहिरो टकराव थियो ।
तर, नयाँ वर्षदेखि केलीले ट्विटर आदतबाट टाडा हुने संकल्प गरेकी छन् । यी अभिनेत्रीले उक्त म्यागजिनसँग भनेकी छन्, ‘म अब जिममा बढी समय बिताउने छु । तर सोशल मीडियालाई धेरै समय दिने छैन । मलाई ट्विटर र इन्स्टाग्रामको आदत छ । यस कारण मैले केही समय आफ्नो फोनविना समय बताउने निर्णय गरेकी छु । अब मसँग न रहन्छ फोन, न त सोसल मिडिया नै ।’
