काठमाडौं । नेपाली संगीत बजारमा गायक भीम गुरुङ आफ्नै शब्द, संगीत तथा स्वरमा ‘उधारो जिन्दगी’ गीतको भिडियो लिएर आएका छन् । यस म्युजिक भिडियोमा गुरुङ आफैं अभिनयसमेत गरेका छन् । एउटा मान्छेको जीवनमा आफ्नै श्रीमती, सुन्दर घर परिवार हुँदा हुँदै पनि परिवार बाहिर कसैसँग शारिरिक आकर्षण हुँदा मान्छेको सफल जीवनमा कसरी तुषारोपात आइपर्छ भन्ने यस म्युजिक भिडियोमा देखाइएको छ ।
भिडियोमा निर्देशक बिशाल भन्डारीले अत्यन्तै कुशलताका साथ कथालाई प्ले गरेका छन् । घरकी श्रीमतीको रुपमा रोहानी लामा र प्रियारानी लामा बाहिरी आकर्षकको केन्द्र भएर गायक गुरुङलाई अभिनयमा साथ दिएका छन् । ब्यापारको सिलसिलामा हाल साउदी अरेबियामा रहेका गायक गुरुङले छोटो समय नेपाल आएका बेला यो गीत तयार गरेका हुन् ।