काठमाडौं । मोफसलमा रहेर पनि गायनमा क्रियाशील गायक रविन स्वाँर काजीले ‘तिमी जहाँ छौं’ बोलको आफ्नो गीतलाई म्युजिक भिडियोमा ल्याएका छन् । भर्खरै नेपाली सांगीतिक क्षेत्रमा प्रवेश गरेका कैलाली टिकापुरका रविन उदयमान गायक हुन् । पप शैलीको यस गीतको भिडियोलाई यु–ट्युबमार्फत सार्वजनिक गरिएको हो ।
गायक रविनको ‘नसालु तिम्रो हेराई, ‘अमुल्य माया’जस्ता गीत सुदुरपश्चिम तथा मध्यपश्चिमका युवामाझ लोकप्रिय छन् । पछिल्लो समय राजधानीमा जम्दै गरेको रविनको चाँडै ‘तिमी नै मेरो पहिलो प्रेम’ बोलको गीत बजारमा आउँदैछ । उक्त गीतको शुटिङ उनकै जन्मथलो कैलालीमा गरिएको छ । मोफसलमा मात्र रहेर सांगीतिक क्षेत्रमा आफ्नो भविष्य नदेखेपछि उनले काठमाडौमै संघर्ष गरेर जम्ने सोच बनाएका छन् ।