काठमाडौं । सिङ्गापुरको इन्जीनियरिङ कंपनीमा यतिवेला जनरल मेनेजर भएर बसिरहेकी अभिनेत्री पल्लभी भट्टको मन पनि पग्लीयो नेपालमा गएको विनासकारी भुकम्पका कारण र उनी सहयोग जुटाएर नेपाल आइन् । विपत्तिका बेला आफ्नो देश दुःखेको वेला कसको मन खुसी रहन्छ होला र ? सायद यहि भावनाले काम ग¥यो र उनी नेपाल आइपुगिन् ।
अभिनेत्री पल्लभीले भुकम्पले अति प्रभावित दोलखा जिल्लाको विकट गाउँ बुलुङ गाविसको वडा नं. १ पुगेर घर बनाउने देखी विभिन्न खाद्य एवं आवश्यक सामग्री वितरण गरीन । अभिनेत्री पल्लभी भट्ट र सिङ्गापुरका उनको समुहले उठाएको १० लाख भन्दा बढी रकम बराबरको राहत भट्टले पिडित समक्ष पु¥याइन् । चामल, तेल, नुन, जस्तापाता आदी सामग्री लिएर उनी दोलखाको विकट गाउँ पुगेकी थिइन् । भट्टले बारम्बार आइरहने पराकम्पन होस वा हावा–हुरी र पानी कुनैको परवाह नगरी सहयोगी भावनामा जुटीन र सिङ्गापुरबासी र आफ्नो सहयोगलाई सम्बन्धित पक्षसमक्ष पु¥याइन् । पल्लवी भट्टले आफु र आफ्नो समुह ‘ग्रेट फ्रेण्ड विथ ग्रेट हार्टस्’मार्फत यो सहयोग अभियान चलाएकी थिइन् ।
सिङगापुरमा रहँदै आएकी पल्लभीले केहि अघिमात्रै ‘अलविदा’ चलचित्रमा आइटम नृत्य गरेकी थिइन भने पालेदाई, आफन्तको माया लगायतका चलचित्र खेलेकी छिन् । साथै पल्लभीका गहना, उद्घाटन, मोड, संजीवनी, आदी चर्चित टेलीश्रृंखला हुन् ।
