काठमाडौं, २० बैशाख । नेपाली गायनका मेगास्टार राजेशपायल राईको लिकिरल भिडियो सार्वजनिक भएको छ । ‘समय’ बोलको गीतलाई राजेशपायलले अफिसियल भिडियोका रुपमा सार्वजनिक गरेका हुन् ।
देश–विदेश स्टेज कार्यक्रमसँगै पाश्र्वगायनमा व्यस्त रहेका राजेशपायलले भने, ‘व्यस्त भएका कारण भिडियो निर्माणमा समय दिन नसकेकाले लिरिकल भिडियो बनाएको हुँ ।’ पछिल्लो समय म्युजिक भिडियोको बढ्दो क्रेजसँगै लिरिकल भिडियोको पनि लहर चलेको छ ।
‘समय’ मा पछिल्लो समयका व्यस्त संगीतकार तथा निर्देशक राकेश किरातीले संगीत गरेका छन् । प्रेमचन्द्र राईको शब्द रहेको यस गीतलाई चन्दु गोर्खालीले एरेञ्ज गरेका हुन् । लिरिकल भिडियोलाई बुद्ध थापा मगरले बनाएका हुन् ।
विशाल चौतारी मिडियाको यु–ट्युव च्यानलबाट सार्वजनिक गरिएको यस गीतको चाँडै म्युजिक भिडियो निर्माण गरिने संगीतकार राकेश किरातीले बताए ।