रिलिज मिति नजिक आउँदै गर्दा फिल्म अझै पनि टिम एग्रेसिभ प्रमोशनमा उत्रिएको छ । फिल्मको प्रमोशनकै लागि पोखरा पुगेको टिमले भारतीय अभिनेत्री इशा देवललाई समेत यो प्रक्रियामा सहभागी गराएको छ । इशासँग भेटेर फिल्म ‘अझै पनि’ प्रचार सामग्री देखाउन लगाउँदै मौकामा चौका हानेको हो ।

देवलले नेपाली चलचित्रप्रति चासो देखाएकी छिन् । नेपाली चलचित्र ‘अझै पनि’को टिमसँगको सोमवारको छलफलमा उनले आफुले नेपाली चलचित्रको बारेका धेरै सुनेको र हेर्ने इच्छा रहेको बताएकी छिन् ।

फागुन १५ गते नेपालभर रिलिज हुने चलचित्र ‘अझै पनि’को मंगलवार हुने प्रिमियरमा सहभागी हुन इच्छा देखाएकी इशाले सहभागी हुन भने पाईनन् । कार्यक्रम छायांकन व्यस्त समय तालिकाको कारण उनि उपस्थित हुन सकिनन् । उनि मंगलवार साँझ काठमाण्डौ आउँदैछिन् । लाजिम्पाटस्थित होटल सांग्रिलामा रहने र समय मिलेको खण्डमा ‘अझै पनि’ हेर्न आउने बताउँदै देवलले चलचित्रका कलाकारहरुसँग तस्विर लिएकी छिन् ।