चलचित्र कन्यादानमा ‘तीजको रहर आयो बरी लै’ गीतमा अभिनय गरेर तीज पर्वलाई अझ संगीतमय तुल्याउनुका साथै नेपाली चलचित्र क्षेत्रमा तीन दशकदेखि निरन्तर योगदान दिएको भन्दै अभिनेत्री गौरी मल्ललाई सम्मान गरिएको छ ।
नेचर इसेन्स र कलर इसेन्स कस्मेटिक कम्पनीले काठमाडौंमा आयोजना गरेको तीज उत्सव–२०७६ समारोहमा अभिनेत्री गौरी मल्ललाई नेचर इसेन्स र कलर इसेन्स चलचित्र योगदान विशेष सम्मान–२०७६ बाट सम्मान गरिएको हो ।
यस्तै, ‘सिमसिमे पानीमा’सहित सैयौँ गीत गाउनुका साथै आफ्ना तीज गीतमार्फत यो तीज पर्वलाई लोकप्रिय बनाएको भन्दै गायिका रेखा शाहलाई सोही कार्यक्रममा नेचर इसेन्स र कलर इसेन्स गायन योगदान विशेष सम्मानबाट सम्मानित गरिएको छ ।
नेपालकी प्रथम अभिनेत्री भुवन चन्दले सो समारोहमा नायिका गौरी मल्ल, गायिका रेशा शाहसहित दुई व्युटिसियनलाई आयोजकका तर्फबाट सम्मानित गरिएका छ ।
दुई दशकभन्दा लामो समयदेखि ब्युटी क्षेत्रमा लागेर हजारौंलाई योगदान दिएको भन्दै रबिना व्युटी पार्लर एन्ड ट्रेनिङ सेन्टरकी अध्यक्ष शुलोचन श्रेष्ठ र आईटिसी (स्कुल अफ ब्युटिसियन)की अध्यक्ष रस्का बैध श्रेष्ठलाई नेचर इसेन्स र कलर इसेन्स ब्युटिसियन योगदान विशेष सम्मान २०७६ बाट सम्मानित गरिएको हो ।
सोही समारोहमा ब्युटिसियनहरु शान्ति श्रेष्ठ, पुनम शाह, मिरा बस्नेत, अमृता विश्वकर्मा र गीता गुरुङलाई वर्षको उत्कृष्ट व्युटिसियन अवार्ड, सुमन गौतम, हरि भेटवाल र अजय मानपतिलाई वर्ष उत्कृष्ट नेचर इसेन्स, कलर इसेन्ट वितरक अवार्ड तथा सुदर्शन केसी, बिदुर आचार्य र सागर जिसी वर्षको उत्कृष्ट बिक्रेता अवार्ड प्रदान गरियो ।
सो समारोहमा करिब पाँच सय व्युटिसियनहरुले हाँस्य कलाकारहरु पल्पसा डंगोल (चम्सुरी), दमन रुपाखेती र दिनेश काफ्लेले विभिन्न प्रहसनमार्फत मनोरञ्जन दिएका थिए ।
गायिका मिना निरौलाले ठमले बजार, काले दाई, रुपै मोहनीसहित आफ्ना आधा दर्जन गीत सुनाइन् । उनको गीतमा पटक–पटक वान्स मोर भन्दै दर्शक नचाइन् । मिसेस नेपाल ग्रान्ड–२०१९ की बिजेता सिर्जना श्रेष्ठ, व्युटिसियन शान्ता मगरसहितको नृत्य पनि आकर्षक थियो ।
महिलाहरु शुभकामना आदन प्रदानका लागि तीज उत्सव आयोजना गरिएको कलर इसेन्सका कन्ट्रि निर्देशक रमेश उप्रेतीले बताए । यो कार्यक्रम एमएमके इन्टरप्राईजेजका सञ्चालक विश्व केसीको सभापतित्वमा सम्पन्न भएको हो ।