काठमाडौं ।  गायक किरण इजम लिम्बूको रक फुलेवरको ‘मस्की मस्की’बोलको गीतको म्यूजिक भिडियो सार्वजनिक भएको छ । उनको दोश्रो एल्बम ‘ओझेल’मा समावेश यस गीतको भिडियोमा चर्चित मोडल पल शाह र निशा लिम्बुले अभिनय गरेका छन् । किरणले यसअघि सार्वजनिक गीत ‘नयनभरी’ मा पल र निशाकै जोडी देखिएका थिए । गीतलाई दर्शकले अत्याधिक रुचाएका छन् । ‘मस्की मस्की’ को निर्देशन र सम्पादन पनि ‘नयनभरी’का निर्देशक विज्ञान राईले नै गरेका हुन् ।

सुन्दा र हेर्दा उस्तै रमाईलो लाग्ने यो गीतको शब्द र संगीत गायक जेनिश लामाको हो । संगीत संयोजन भने टेकेन्द्र याक्सोको रहेको छ । गीतमा पलले निशालाई आफ्नो प्रेममा पार्नका लागि गरेको संघर्ष देख्न सकिन्छ । अन्त्यमा, कसरी निशा पलको हुन्छिन् ? भिडियोमा देखाउन खोजिएको छ । भिडियोको छायांकन ज्ञानेन्द्र शेर्माले गरेका हुन् । यो गीतबाट आफुले निकै आशा राखेको गायक इजमले बताए ।