मुम्बई । बलिउड फिल्म ‘हिरो’ को नयाँ गीत ‘याद तेरिया’ बिहीबार रिलिज गरिएको छ । यस फिल्ममा आथिया शेट्टी र सूरज पञ्चोली मुख्य भूमिकामा छन् । नयाँ रिलिज गीतमा राहत फतेह अली खानले आफ्नो आवाज दिएका छन् । राकेश कुमारको शब्द रहेको यस गीतलाई संगीत जस्सी कटयालले गरेका हुन् ।

यस फिल्मलाई अभिनेता सलमान खान र सुभाष घईले निर्माण गरेका हुन् । यसअघि सलमानले गाएको ‘टाइटल ट्रेक’ रिलिज गरिएको थियो । फिल्मको गीत रिलिज गरेपछि सलमानले लिंक सोशल नेटवर्किङ साइट ट्विटरमा शेयर गरेका छन् । उनले लेखेका छन्, ‘सङ्स अफ द ईयरमा मेरो हिरो सूरज र आथिया शेट्टी ।’ यो फिल्म ११ सेप्टेम्बरमा रिलिज हुँदैछ ।