गायक प्रताप दास र गायिका शुस्मा बिश्वकर्माले गाएको रोमान्टिक गीतको भिडियो सार्वजनिक भएको छ । ‘सुखमा मात्र होइन’ बोलको गीतलाई भिडियोमा सार्वजनिक गरिएको हो ।
सार्वजनिक भिडियोमा पछिल्लो समयका व्यस्त मोडल निराजन प्रधान र सृष्टि खड्का फिचर्ड छन् । उक्त गीतको म्युजिक भिडियोलाई मुस्ताङमा खिचिएको छ । भिडियोलाई निर्देशक निसान कास्यप घिमिरेले निर्देशन गरेका हुन् ।
गीतकार अम्बिका गुरुङको शब्द र सरोज पोखरेलको संगीत रहेको गीतमा प्रताप दास र शुस्माको स्वर निकै खुलेको छ । गीतमा एरेञ्ज भने उदयराज पौडलको रहेको छ ।
बुद्द थापाको छायाँकनमा तयार भएको भिडियोमा बिकास दाहालको सम्पादन, सुरेश काफ्लेको ड्रोन, प्रमोदराज भण्डारीको कोरियोग्राफी र मनोज लामाको मेकअप रहेको छ ।