‘लभ यु हमेशा’ फिल्मले ‘भिडियो कन्टेस्ट’ घोषणा गरेको छ । बिवाहीत वा अबिबाहीत दुवै जोडीले भाग लिन सक्ने प्रतियोगितामा भाग लिनका लागि प्रेमी वा प्रेमीकाले प्रेम प्रस्ताव राखेको भिडियो बनाएर ‘लभ यु हमेशा’ लेखि ‘लभ यु हमेशा’को फेसबुक पेजमा पठाउनु पर्नेछ ।

दर्शकबाट प्राप्त हुने भिडियोमध्ये जुनमा धेरै लाइक र कमेन्ट आउछ, त्यसलाई उत्कृष्ट घोषणा गरि पुरस्कृत गरिने जनाइएको छ । ‘लभ यु हमेशा’को निर्माण ब्यानर धर्मा क्रियशनले बिजेता भिडियो निर्माणकर्तालाई फिल्मका कलाकारसँग भेटघाट, रेडकार्पेट प्रिमियरमा सहभागी हुन पाउने तथा तीन दिन र चार रातको दार्जिलिङ भ्रमण प्याकेजलगायत बिभिन्न उपहार प्रदान गरिने जनाएको छ । भिडियो प्रतियोगिताको बिजेता घोषणा २१ भदौमा गरिने जनाइएको छ ।

त्रिकोणात्मक प्रेमकथामा निर्माण गरिएको फिल्मको हाल फिलिपिन्सको बिभिन्न स्थानमा दुईटा गीत छायाँकन भइरहेको छ । रामजी लामिछानेको कोरियोग्राफी र शिब ढकालको छायाँकन रहेको ती गीतमा फिल्मका मुख्य कलाकार यशराज गरच, ऋचा थापा र फिजा योन्जन फिचर छन् ।
भास्कर प्रधानको लेखन र निर्देशनमा यवन गुरुङको प्रस्तुति र मिलन गुरुङ सहनिर्माता रहेको फिल्ममा यशराज, ऋचा, फिजाका साथमा गोपाल ढकाल (छन्दे), करुणा श्रेष्ठ,निराजन मेहता,पिटी योल्मा,प्रमिला राई,सल्देन तामाङका कलाकारले अभिनय गरेका छन् । भारतको कालेबुङ, सिलगुडी, काठमाडौपछि हाल फिलिपिन्समा खिचिरहीएको फिल्ममा भासुको संगीत र एनवी महर्जनको द्धन्द्ध निर्देशन छ । भदौ २७ गते प्रदर्शन हुने फिल्मलाई रिच इन्टरटेन्मेन्टले बितरण गर्नेछ ।