क्रेजी इन्टरटेन्मेन्टको ब्यानरमा बनेको चलचित्र ‘पुरानो बुलेट’को अफिसियल ट्रेलर सार्वजनिक भएको छ । १ चैतलाई प्रदर्शन मिति घोषणा गरिएको चलचित्र ‘पुरानो बुलेट’को ट्रेलरमा पुर्वका एक युवक प्रताप (अनुपविक्रम शाही)को जिवनमा आउने उतरचढावमा आधारित छ ।
चलचित्रको ट्रेलरमा एक्सन, प्रेम, रोमान्स, रोदन र कमेडीलाई समग्रमा समेटिएको छ । ट्रेलरमा अनुप र वर्षालाई ‘बुलेट राजा’ र ‘बुलेट रानी’को रुपमा परिचय गराइएको छ ।
पत्रकारितामा लामो समय विताएका भिषण राईको निर्देशनमा बनेको चलचित्रको ट्रेलरमा प्रयोग गरिएका संवाद्ध र ठेट पुर्वेली शब्दहरु दर्शकलाई नौलो लाग्न सक्छ । यस चलचित्रमा अनुपविक्रम शाही, वर्षा सिवाकोटी, माला लिम्बू, कृष्णभक्त महर्जन, कविता आले, शिव मुखिया, भारत लिम्बु, शिरोमनी दवाडी, बादल श्रेष्ठ, करण धिताल, अशोककुमार राई, टिकाराम राईलगायत कलाकारको अभिनय छ ।
चलचित्रको कथा–पटकथा निर्देशक स्वयं र कार्यकारी निर्माता सन्तोष राईले लेखेका हुन् । चलचित्रमा अशोककुमार राई, दीपेन्द्र लिम्बु, विरेन साम्बा र टिकाराम राईले संयूक्त रुपमा निर्माण गरेका हुन् । चलचित्रको कार्यकारी निर्मातामा सन्तोष राई छन् ।

हरि घले लामाको छायांकन, उत्तमजंग लिम्बु र जयन जे. वाइवाकोे संगीत रहेको यस चलचित्रमा राजेशपायल राई, मेलिना राई, जयन जे. वाइवा र उत्तमजंग लिम्बुको गायन रहनेछ ।