काठमाडौं, १२ चैत । ‘हाम्रो नेता यस्तो होस्’ सार्वजनिक भएको छ । पर्यटन व्यवसायी कर्ण शाक्यले लेखेको यो कृति सोमबार सार्वजनिक गरिएको हो ।
मुलुकमा प्रजातन्त्र आएको करिब ७ दशक भएपनि राजनीतिक अधिकार सबै जनताले उपयोग गर्न नसकेको, जनताको जीवनस्तर सुधार हुन नसकेको, नेताहरु नसुध्रेको र चुनावमा राम्रो नेता निर्वाचित गर्न नसक्नु जनताको कमजोरी रहेकोजस्ता विषयलाई शाक्यले कृतिमा उल्लेख गरेका छन् ।
कृतिमा नेपाली र अंग्रेजी भाषामा विभिन्न व्यक्तित्वको सन्देशमूलक भनाइ समावेश छ । कृतिको एक कार्यक्रमबीच नेकपा एमालेका उपाध्यक्ष अष्टलक्ष्मी शाक्य र नेपाली काँग्रेसका केन्द्रीय सदस्य गगनकुमार थापाले संयुक्त रुपमा विमोचन गरेका थिए ।