काठमाडौं, १९ कात्तिक । हिजोआज गायक÷गायिकाहरुमा आफ्नो गीतको कभर भिडियो बनाउँने क्रम बढेको छ । यस्तै, गायिका दीपा पन्तले पनि कभर भिडियो बनाएकी छन् ।
दीपाले आफ्नो नयाँ आधुनिक गीत ‘हँसाउने रुवाउँने’ कभर भिडियोसहित सार्वजनिक गरेकी छन् । बिआर मित्रको शब्द र ताराप्रकाश लिम्बुको संगीत रहेको गीतमा उनले मधुर आवाज दिएकी छन् । उनको कभर भिडियो एक्का कम्पनीले निर्माण गरेको हो, भने छायाँकन आर्यन खड्कार बिष्णुले गरेका छन् ।

दीपा साङगीतिक फाँटमा राम्रै चिनिएकी गायिका हुन् । ‘दिलको बदला दिल दिए’, ‘रियालिटी’ र ‘कालो गाजल’ लगायत चार एल्बम सार्वजनिक गरेकी दीपा युवापुस्ताले रुचाइएकी गायिका हुन् । एल्बम टिनएजरले रुचाएपछि उनी स्टेज क्विन समेत बनेकी उनी यो गीतको भिडियो पनि छिट्टै ल्याउने उनले बताइन् ।