काठमाडौं, २७ चैत । गायिका इरा न्यौपानेको नयाँ गीत तथा भिडियो सार्वजनिक भएको छ। सानैदेखि संगीतमा रुचि राख्दै आएकी इराको ‘भन’ बोलको भिडियो सार्वजनिक भएको हो । सार्वजनिक गीतमा इरार र समरको शब्दरचना रहेको छ भने संगीत बुद्ध सायमीको छ । यस गीतको भिडियोलाई सैलेन्द्र खोखालीले निर्देशन गरेका हुन् ।
भिडियोमा प्रेम, जाहन्वी र जान्वीको अभिनय रहेको छ । यस आधुनिक गीतको भिडियोलाई सेलेन्द्रले नै सम्पादन गरेका हुन् भने छायांकन बसन्त विजे महर्जन, ज्ञानेन्द्र शर्मा र सैलेनको रहेको छ ।
गायिका इराले पद्यकन्या क्याम्पसबाट संगीतमै आइ.ए. र बि.ए. गरेकी हुन् भने उनका केही गीत गीत तथा जिंगलहरु रेडियो नेपाल र विविध एफएमहरुबाट प्रसारण भइसकेको छ । । विवाहपछि संगीतबाट ओझेल परेकी इराले फेरि संगीतकै संसारमा फर्केकी बताएकी छन् ।