बाँके, साउन १७ । चलचित्र ‘बृन्दावन’ युनिटले आफ्नो प्रचारप्रसारको क्रममा आईतबार कोहलपुर नगरपालिका बजारको सफाई गरेको छ । दुई दर्जन युवाले ‘बृन्दावन’ लेखिएको टि–सर्ट लगाएर नगर सरसफाईमा उत्रिएका थिए । भिन्नशैलीमा चलचित्रको प्रचार सुरु गरेको यस युनिटले देशब्यापी सफाई अभियान चलाउने बताएको छ । केही दिनअघि जोरपाटीस्थित खगेन्द्र नवजीवन केन्द्रमा आश्रित ४६ जना बालबालिकाबीच ताला चाबी…, बोलको गीत र अफिसियल प्रोमो सार्वजनिक गरेर चलचित्रको प्रचार सुरु गरेको हो ।
यो चलचित्र १७ भदौबाट देशभर प्रदर्शनमा आउँदैछ । रुद्र खनाल र कमल जिसी निर्माता रहेको वृन्दाबनका लेखक, निर्देशन राजबहादुर साने हुन् । चलचित्रमा किशोर खतिवडा र शिल्पा पोखरेलको मुख्य भूमिका छ ।