मुम्बई । अभिनेत्री सोनाक्षी सिन्हा अभिनीत पछिल्लो फिल्म ‘अकिरा’ २ सेप्टेम्बरमा रिलिज हुने भएको छ । यसअघि यो फिल्म २३ सेप्टेम्बरमा आउँने भनिएको थियो । सोनाक्षीले भनिन्, ‘अब मेरो फिल्म ‘अकीरा’ २ सेप्टेम्बरमा रिलिज हुँदैछ ।’ उनले लामो पर्खाइलाई छोट्याउँदै फिल्मको रिलिज अगाडि सारेको बताएकी छन् । उनका अनुसार ‘अकिरा’ मा निर्देशकले केही परिर्वतन गरेको पनि बताइन् ।

२९ वर्षीया सोनाक्षीले ट्विटरमा लेखेकी छन, ‘किनकि अकिरा तपाई हामी सबैलाई हेर्न हतार छ । त्यस कारण रिलिज मिति परिवर्तन गरिएको हो ।’ यस फिल्ममा सोनाक्षीको एक्शन अवतार हेर्न सकिनेछ । फिल्ममा उनका बाबु अभिनेता शत्रुघ्न सिन्हा पनि मुख्य भूमिकामा छन् ।