भारतीय ‘किङफिशर’ मोडल तथा अभिनेत्री पुनम पाण्डे काठमाडौं आएकी छन् । सधैं चर्चा र विवादमा आइरहेने यी मोडल राजधानीमा हुने एक कार्यक्रममा सहभागी हुन नेपाल आएकी हुन् । ‘क्रिकेट’की फ्यान पुनमसँगै ‘विश्वकप’ फुटबलको फाइनल खेल नेपाली फ्यानहरुसँग बसेर हेर्ने भएकी छन् । शुक्रबार साँझ काठमाडौं ओर्लेकी यी मोडलले सन् २०१७ मा सम्पन्न विश्वकप क्रिकेटमा भारतले जित्यो भने ‘म मैदानमा नांगै जान्छु’ भनेपछि चर्चामा आएकी थिइन् ।
यस्तै–यस्तै प्रोपाकाण्डाका कारण चर्चामा आइरहने यी मोडलले आइतबार राति दरबारमार्गस्थित डेजाभु क्लवमा फ्रान्स र क्रोएसियाबीच हुने फाइनल खेल हेर्न सहभागी हुनेछिन् । उनले क्रोएसियाले जित हासिल गर्ने दावी गरेकी छन् ।
