काठमाडौं, १६ असार । गायिका यदु राई लकान्द्रीले ‘मनको गहिराईमा…’ बोल गीतलाई भिडियोमा ल्याएकी छन् । उक्त गीत यु–ट्युबमार्फत सार्वजनिक भएको छ । इन्दिरा प्रयासको शब्दरचना रहेको यस गीतलाई रमेश संग्रौलाले संगीत गरेका हुन् भने भिडियोको निर्देशन पनि उनैले गरेका हुन् ।
भिडियोमा संचारकर्मी दिपक चाम्लिङ र सरला थापाले अभिनय गरेका छन् । साथै, भिडियोमा बालकलाकार एलिपज राईले पनि अभिनय गरेकी छन् ।
रविन शंकरको कोरियोग्राफी रहेको उक्त गीतको भिडियोलाई मुकेश हुमागाइँले खिचेका हुन् । गायिका यदुले संगीत साधनामै लामो समय विताइसकेकी छन् । तर, भिडियो भने पहिलोपटक बनाएको उनले बताइन् । यस गीतबाट आफू आशावादी रहेको पनि उनले सुनाइन् ।

https://www.youtube.com/watch?v=7-mrVdsegT0&feature=youtu.be