काठमाडौं, २३ माघ । एउटै अभिव्यक्तिले रातारात चर्चामा आएकी अर्चना पनेरु यतिखेर भारतीय मिडियामा ‘हटकेक’ बनेकी छन् । ‘पार्न स्टार बन्छु’ भन्ने हट अभिव्यक्तिसँगै नेपाली मिडियामा चर्चा पाएकी अर्चनालाई अहिले भारतीय मिडियाले ‘नेपाली सनी लियोनी’ भन्दै उचालिरहेका छन् । महेन्द्रनगरकी यी अर्चनाले चर्चाको सदुपयोग गर्दै केही नेपाली चलचित्र र म्युजिक भिडियोहरुमा अभिनय गर्न पनि भ्याइन् । तर, उनले अभिनय गरेको चलचित्र फ्लप भएपछि गुमनाम बनेकी अर्चना एक्कासी भारतीय मिडियामा छाइन् । नेपाली चलचित्रकर्मीमाझ ‘अब अर्चना गुमनाम भइन्’ भन्ने कानेखुसी चलिरहेकै बेला अर्चनाको यो पछिल्लो खबरले फेरि तताएको छ ।

एक भारतीय मिडियाले अर्चनाबारे लेखेको छ, ‘भारतमा पोर्न स्टार सनी लियोनीबाट धेरैजना प्रभावित छन्, तीमध्ये एक हुन् अर्जना पनेरु पनि हुन्, जो नेपालकी सनी लियोनीको रुपमा चर्चित छन् ।’
त्यसो त भारतीय मिडिया ‘गसिप’ को पछाडि दौडिन माहिर छन् । यस्तै, अर्चनालाई पनि गसिपको पात्र बनाएका छन् । यतिसम्मकी अर्चनाले एक फिल्म खेल्दा साढे चार करोड लिने गरेको समेत बलिउड भास्करले उल्लले गरेका छ । यसले बलिउड मिडिया नेपाली विषयको समाचार लेख्दा गम्भीर नहुने देखाएको छ। साथै, भारतीय मिडियाहरुले अर्चनाबारे विभिन्न खुलासाहरु पनि गरेका छन् ।
समाजिक सञ्जाल फेसबुक तथा ट्विटरमा अर्चनाको अर्धनग्न तस्बिर पोस्ट गरेर उनकी आमा सुनितासँग एडल्ट इण्डष्ट्रिजमा जोडिएको छ । १० कक्षामा अध्ययन गर्दागर्दै स्कुलबाट निकाला गरिएपछि अर्चनाले मोडलिङ सुरु गरेको पनि जनाइएको छ ।
हुन पनि अर्चनाले सामाजिक सञ्जालमा आपत्तिजनक तस्बिर पोस्ट गरेरै चर्चामा आएकी हुन् । यसलाई भारतीय मिडियाले पनि उल्लेख गरेका छन् । अर्चनाले यसअघि नै सनी लियोनीलाई आफ्नो रोल मोडल बताइसकेकी छन् । जसलाई भारतीय मिडियाले पनि उचालेका छन् । अर्चनाले मोडलिङको सुरुवात म्युजिक भिडियोबाट सुरु गरेकी हुन् । सो भिडियोमा अर्चना आफ्नी आमा सुनिता र भाइ हरिश पनेरुका साथमा देखिएकी थिइन् ।