काठमाडौं, १८ माघ । गायक विश्वाश दगामी मगरको नयाँ गीत सार्वजनिक भएको छ । ‘नौलो बिहानी’ बोल गीतको भिडियोलाई यु–ट्युब र टेलिभिजन च्यानलमा एकसाथ सार्वजनिक गरिएको हो । मुकेश राईको शब्दरचना रहेको यस गीतमा संगीत तथा स्वर विश्वाशकै रहेको छ ।
रोमान्टिक शैलीको यस गीतको भिडियोलाई पछिल्लो समयका व्यस्त र चर्चित म्युजिक भिडियो निर्देशक शैलेन्द्र खोखालीले निर्देशन गरेका हुन् । हात्तीवन आसपासमा छायांकन गरिएको यो भिडियोमा निकै रोमान्टिक छ । भिडियोमा रोइलिन थापा र गायक विश्वाशले अभिनय गरेका छन् । बसन्त र शैलेन्द्रको छायांकन रहेको यस भिडियोलाई निर्देशक खोखालीले सम्पादन गरेका हुन् । भिडियो हेर्न तलको लिंक क्लिक गर्नुहोस् ।