काठमाडौं, २५ पुस । चलचित्र ‘ब्वायफ्रेण्ड’ को चितवनको सौराहा इन्डक्ल्याप गरिएको छ । राजधानीपछि चितवन पुगेको चलचित्र युनिटले त्यहाँको सौराहालगायतका स्थानमा छायांकन गरी इन्डक्ल्याप गरिएको हो । बुढाथोकी फिल्म प्रोडक्सन प्रालिको ब्यानरमा प्रस्तुतकर्ता सुर्य बुढाथोकी, निर्माता कृष्ण खनाल रहेको यसमा निर्माण सहयोगीमा प्रविण बिष्ट, केशव घिमिरे रहेका छन् ।

चलचित्रमा सरोज खनाल, मोहन निरौला, मञ्जु श्रेष्ठ, पुष्कर रेग्मी, महिमा सिल्वाल, सोनाम थापा, श्यामकुमार मिश्र, पुजा थापा, सोभा भण्डारी,  कृष्ण खनाल, शुकबहादुर बम्जन, पवन खनाललगायतको अभिनय छ । अथिति कलाकारमा दीलिप ओखेडा, जानु अर्याल, प्रविण थापा छन् ।
युवापीडिमा मौलाएको ब्वायफ्रेण्ड र गर्लफ्रेण्ड बनाउनेमात्र नभएर अभिभावकले आफ्ना छोराछोरीप्रति बेवास्ता गर्दाको परिणाम कस्तो हुन्छ भन्ने बिषयलाई चलचित्रमा उठाइएको निर्देशक मदन घिमिरेले बताए । कर्मसियल निर्देशनमा फरक पहिचान बनाएका घिमिरेले यो चलचित्र पनि कर्मसियल हुने बताएका छन् ।
मौनता श्रेष्ठको लेखन रहेको चलचित्रमा टंक बुढाथोकी, सोनाम शेर्पा, भोजपुरी गीतका संगीतकार केके सिंहको संगीत रहेको छ भने छायांकन कृष्ण श्रेष्ठ, शंकर महर्जनको द्धन्द्ध र पुनम राई, राजेन्द्रकमल राईको नृत्य रहेको छ ।