काठमाडौं, ५ असोज । ‘धानै नाचिन्छ’जस्ता गीत गाएर चर्चामा आएका गायक भीम लिम्बु पछिल्लो समय मुटुको कुुरा गर्दै दर्शक तथा श्रोतामाझ आएका छन् । गायक भीमले आफ्नो पछिल्लो एल्बम ‘मिम्जिमा’मा समावेश ‘यो मुटुमा’ बोलको गीतलाई भिडियोमा सार्वजनिक गरेका हुन् । यस गीतलाई पनि श्रोता तथा दर्शकले निकै रुचाएका छन् । गीतमा प्रेमपीडा पोखिएको छ ।
भीम करिब एक दशकयता निरन्तर नेपाली गीतसंगीत क्षेत्रमा क्रियाशिल छन् । यहाँसम्म आईपुग्दा उनले विभिन्न शैलीका गीतहरु पस्किसको छन् । पूर्वेली लोकगीतदेखि हाक्पारेसम्म गाउन भ्याएका भीमले ‘यो मुटुमा’ लाई सेन्टिमेन्टमा गाएका छन् । यस गीतलाई किरण घिमिरे ‘माइकल’ले लेखेका हुन् भने कल्याण सिंहले संगीत दिएका छन् । युगल पोमो लिम्बुले निर्देशन गरेको यस भिडियोमा महेशबाबु, सदीक्षा र सुजितले अभिनय गरेका छन् ।
