लोक दोहोरि क्षेत्रमा चर्चित नाम हो गणेश गुरुङ| बिगत १५ बर्ष देखि निरन्तर सांगीतिक क्षेत्रम होमिएका गणेश गुरुङ यतिबेला चर्चामा छन| ठेट नेपाली शब्द र लयमा गीत बनाउन र गाउन खप्पिस गणेश गुरुङ यतिबेला गगन पानीमा एल्बमको तैयारीमा छन्|

यस्तै तमु गुरुङ कलाकार संघको महासचिव पद सम्हाली रहेका उनले यतिबेला आगामी असोज ८,९ र १० गते हुन गई रहेको राष्ट्रिय लोक दोहोरि गीत प्रतिष्ठानको केन्द्रिय सदस्यमा उम्मेदवारी दिएका छन्|

संस्था गलत मान्छेको हातमा नपरोस भन्दै बेतिथी-बिकृति,लोक दोहोरीको अस्तित्व जोगाइ राख्न ,गुटबन्दी र फुटबन्दीले स्थान नपाउन र प्रतिष्ठानमा राजनीति नघुसोस भन्नका निम्ति र प्रतिष्ठानलाइ निस्वार्थ अघि बढाउनको निम्ति आफुले केन्द्रिय सदस्यमा उम्मेदवारी दिएको उनले बताएका छन्|

गोरखा जिल्लामा जन्मे हुर्केका गणेश गुरुङ लगाएत उनका समकालीन चर्चित गायिका मुना थापा मगरले पनि केन्द्रिय सदस्यमा उम्मेदवारी दिएकी छिन्|