काठमाडौं, २ असोज । गीतकार सागर लिम्बू कुरुम्बाङ दर्शक तथा श्रोतामाझ सांगीतिक कोशेली ‘वेवास्ता’ लिएर आएका छन् । सागरको एकल गीति रचना रहेको यस एल्बमा पछिल्लो समयका व्यस्त संगीतकार तथा गायक उत्तमजंग लिम्बूको एकल संगीत तथा गायन रहेको छ ।
एल्बममा चार वटा गीत छन् । जसमा माया मा¥यौ तिमी जब, यो मुटुलाई गाह्रो भो, मलाई जिउँदै लाश बनाइ र तिमीलाई पराई प्यारो भो जस्ता मर्मस्पर्शी तथा भावनात्मक गीतहरु रहेका छन् । यो एल्बम गीतकार सागरको पहिलो एल्बम हो ।
संगीतकार तथा गायक उत्तमले भने दर्जनौ चलचित्रमा समेत संगीत गरिसकेका छन् । आफ्नो सोलो गायनमा दुई एल्बम श्रोतालाई पस्किसकेका उत्तम पछिल्लो समय गायनमा भन्दा संगीत भर्न व्यस्त छन् । उत्तमद्वारा संगीतबद्ध प्रथम नेपाली तारा दीपक लिम्बूको सोलो एल्बम ‘श्रेय’ पनि चाँडै आउँदैछ ।
