काठमाडौं, २ असोज । चलचित्र ‘मेन्टल’ यही १४ गतेबाट रिलिज हुने भएको छ । जिएसएम मिडिया क्याम्पको ब्यानरमा बसन्त बर्मा प्रस्तुतकर्ता रहेको यस चलचित्रले देशको सुस्त शासन व्यवस्थालाई व्यंग्य गर्ने निर्माणपक्षको दाबी छ । सरोज पौडेलको निर्देशन रहेको यस चलचित्रमा जनताको चाहना पुरा नहुनुमा शासकहरु र शासन विधि प्रमुख कारक भन्ने चित्रित रहेको बताइन्छ ।

सुदन धिताल, केयरसिंह भण्डारी र हरि क्षेत्री निर्माता रहेको ‘मेण्टल’ पूजा भट्ट, सुरबिर पण्डित, रश्मि भट्ट, वसन्त बर्मा, ज्योति रसाईंलीलगायतका कलाकारले अभिनय गरेका छन् भने भोजराज देवकोटाको लेखन, अर्जुन पोखरेल र राजन मगरको संगीत, राजेन्द्र सापकोटाको छायांकन र शंकर महर्जनको द्वन्द रहेको छ ।