काठमाडौं, १ असोज । एक समय ‘अन्तिम पटक भेट्न आऊ’ जस्ता गीत गाएर चर्चामा आएका गायक डम्बर नेपाली पछिल्लो समय ‘म मान्छे नेपाली’ भन्दै दर्शक तथा श्रोतामाझ आएका छन् । नेपाली पप गायनमा फरक पहिचान बनाएका डम्बर ‘मेलोडियस पप गायक’ का रुपमा समेत चिनिन्छन् । यो उनको पछिल्लो गीत तथा भिडियोले पनि यही पुष्टि गर्छ ।
गायक डम्बरकै शब्द तथा संगीत रहेको यो ‘म मान्छे नेपाली’ बोल गीतको भिडियोलाई निर्मल लामाले निर्देशन गरेका हुन् । यस भिडियोमा आश्मा पाण्डे र भिफेदी गायजलाई फिचरिङ गरिएको छ ।
अर्जुन तिवारीको छायांकन र निशान घिमिरेको सम्पादन गरेको यस भिडियोलाई गायक रुकमान लिम्बूको कम्पनी ‘रुबुशा क्रियशन’मार्फत यु–ट्युबमा सार्वजनिक गरिएको हो । केही समयअघि मात्र रिलिज गरिएको यो भिडियोलाई यु–ट्युबमा दर्शकले निकै रुचाएका छन् । यस भिडियोलाई दीपा पाण्डेले निर्माण गरेकी हुन् । भिडियो हेर्न तलको लिंकमा क्लिक गर्नुस् ।