काठमाडौं २८ भदौं । तमु फिल्मस् प्रालिको ब्यानरमा निर्माण भएको चलचित्र ‘नबुझिएको यो मन’ को विशेष प्रदर्शन हुने भएको छ । पारिवारिक प्रेम कथामा आधारित ‘नबुझिएको यो मन’ अन्नपुर्ण चलचित्र मन्दिर वेशीसहर, लम्जुङ्गमा असोज ७ देखि १३ गतेसम्म विशेष प्रदर्शन हुने निर्माणपक्षले जनाएको हो । यस चलचित्रमा समावेश ‘न्यानो न्यानो…’ बोलको गीत सार्वजनिक गरिएको छ । जसमा रञ्जितकुमार सहानी र जुना प्रसाईको स्वर रहेको छ भने संगीत विकास चौधरीको रहेको छ । सुनिल महर्जन, सुमन गुरुङ, अश्मी गुरुङ, विष्णु गुरुङ, प्रतिमा गुरुङलगायतको अभिनय रहेको ‘नबुझिएको यो मन’ मा नृत्य हरपल गुरुङ, धोज गुरुङ, निर्देशन जनक गुरुङको छ ।