काठमाडौं । नायिका रिमा विश्वकर्मा अभिनीत एक म्युजिक भिडियो सार्वजनिक भएको छ । गायक अशोक मुकारुङको म्युजिक भिडियोमा यी भिडियो क्विन देखिएकी हुन् । ‘झुल्केको घाम’ बोल रहेको उक्त गीतमा रिमा विश्वकर्मा र चर्चित मोडल योगेन्द्र राईको दमदार अभिनय देख्न सकिन्छ ।
फरक तरिकाले मोडललाई गीतमा प्रस्तुत गरिएको निर्देशक विज्ञान राईले बताए । मितज्यु एल्बममा रहेको उक्त गीतलाई बरिष्ठ संगीतकार बसन्त मुकारुङले संगीत भरेका छन् भने शब्द गौरव गुरुङले कोरेका हुन् । विज्ञान राईकै सम्पादन रहेको यस गीतमा नयाँपन भिएफएक्स गरिएको छ । उक्त मिडियोलाई हरि हुमागाईले छायांकन गरेका हुन् ।