काठमाडौं । चलचित्र ‘टिनएज’ को अहिले धमाधम सम्पादन भइरहेको छ । यो नृत्य निर्देशक दिनेश पाख्रिनको डेब्यु निर्देशन चलचित्र हो । ‘टिनएज’ को सम्पादन भइरहेकै बेला दिनेशले अर्को चलचित्रको तयारी गर्दैैछन् । उनले चलचित्र ‘इन्काउन्टर’ को गृहकार्य भइरहेको बताए ।
चलचित्र ‘टिनएज’ मा चिनिमायाँ वाइवा ‘पाख्रिन’ र देविका खड्काको लगानी रहेको छ । चलचित्रमा नरेश बिर सिंह, अञ्जली खड्गी, सरोजकुमार शाह, प्रतिक्षा खड्का, कृष्ण सिवाकोटी, रामभक्त श्रेष्ठ, सरिता राजोपाध्याय, अजय खड्का, निर्मल लामालगायतको अभिनय रहेको छ । पत्रकार सानुकाजी श्रेष्ठ कार्यकारी निर्माता रहेको यस चलचित्रमा दिक्षा पाख्रिन र सोम लामाको नृत्य, राजु किरातीको द्वन्द्व, विकास चौधरीको संगीत, राम–लक्ष्मणको सहनिर्देशन रहेको छ ।