काठमाडौं । हट एण्ड सेक्सी लोक गायिकाको उपमा पाएकी ज्योती मगरको नयाँ गीत सार्वजनिक भएको छ । विभिन्न मेला र महोत्सवहरुमा व्यस्त रहेकै बेला ज्योतिले ‘मायाको बदनाम’ गीत सार्वजनिक गरेकी हुन् । उनले गायक रामकृष्ण थापासँग मिलेर गाएको ‘मायाको बदनाम हरे राम राम’ बोलको गीतलाई म्युजिक भिडियोमा सार्वजनिक गरिएको हो ।

रेशम अधिकारीको शब्द रहेको गीतमा संगीत रामकृष्ण थापाकै रहेको छ । नरेन्द्र वियोगीले म्यूजिक एरेन्ज गरेको गीतको रकेर्डिङ भिडियो बनाइएको छ । भिडियोमा ज्योती र रामकृष्ण दुवै देखिएका छैन् । गीतमा ज्योती र रामकृष्णविच प्रेमको दोहोरो संवाद सुन्न सकिन्छ । गीतलाई सन्ध्या म्युजिकले सार्वजनिक गरेको हो ।