मुम्बई, (एजेन्सी) । बलिउड अभिनेता शाहरुख खान र अभिनेत्री दीपिका पादुकोण भलै यतिखर ‘दिलवाले’ र ‘बाजीराव मस्तानी’का साथ बक्स अफिसमा टकराव छ । तर, उनीहरुबीच कुनै मनमुटाव छैन । दुवैजना एक–अर्काको तारिफ गरेर थाक्दैनन् । यहाँसम्म कि, केही दिनअघि अभिनेत्री दीपिकाले एक ट्विट नै गरिन्, ‘शाहरुखलाई एकदमै मिस गरिरहेकी छु । म दिलवाले हेर्न उत्सुक छु ।’ उनले टिेवमै लेखिन्, ‘आई लभ यु शाहरुख । लोट्स अफ लभ यु रोहित एण्ड दिलवाले टिम ।’ यसपछि बलिउडमा यस्तो पनि हल्ला चल्यो, ‘२० डिसेम्बरमा शाहरुख र दीपिकाले सँगै फिल्म दिलवाले हेरे ।’ तर, शाहरुख निकट एक कलाकारले भने शाहरुखले दीपिकालाई मूभ डेटमा बोलाएनन् ।’
हालै एक अन्र्तवार्तामा पनि शाहरुखले फिल्म रिलिज हुनु अगाडि नै दीपिकासँग दिलवाले हेरेको बताए । दीपिकासँगै दिलवाले हेर्नुभएको हो ? भन्ने प्रश्नमा शाहरुखले भने, ‘दीपकिाले मैले थिएटरमा आउनुअघि नै दिलवाले हेरेका हौं । तर, जब फिल्म थिएटरमा लाग्यो, त्यसपछि हेरेको छैन ।’ उनले रोहितले समेत थिएटरमा दिलवाले नहेरेको बताए । शाहरुखले एक प्रश्नमा भने, ‘आगामी दिनमा थिएटरमा पनि दीपिकासँग फिल्म हेर्नेछु ।’
