काठमाडौं– चिसो बढ्दै गइरहेको बेला कलाकारहरु न्यानो टेन्ट लिएर भुकम्प पीडित बस्ती पुगेका छन् । नायिका केकी अधिकारी र सेलो थिएटरका कलाकारहरु शनिबार काभ्रेको बालुवापाटी– ६ ढा“डागाउ“ पुगेर न्यानो टेन्ट बा“डेका हुन् । जाडो समय लक्ष्यित पारेर ओछ्यानमा जडान गर्न मिल्ने गरि बनाइएको टेन्ट पाएर पीडितहरु हर्षित देखिन्थे । ‘जाडो बढ्दैछ, भुकम्प पीडित बस्तीमा जस्ताको टहरा र स–साना छाप्रो बाहेक केही छैन, यस्तो अवस्थामा केटाकेटी र बुढापाकाहरुको हालत कस्तो हुन्छ होला ?’ भुकम्प लगत्तै काभ्रे र सिन्धुपाल्चोकका विभिन्न गाउ“मा झण्डै पा“च सय टहरा बनाउन अभियानमा समेत संलग्न भइसकेकी नायिका केकीले भनिन्, ‘मेरो बिचारमा अब सहयोगीहरुले चिसोबाट बचाउने सामग्रीतिर ध्यान पुर्याउनु पर्छ ।’

नायिका केकीसंगै सेलो थिएटरका रंगकर्मीहरु शान्ति वाइवा, सन्तोष तामाङ, अविसन लामा, न्यानो टेन्ट उत्पादक नेको इन्टरनेश्नलका नेपाल प्रबन्धक अशोक थापा, कोरियन प्रबन्धक पार्क कि दोङ लगायतले सुत्केरी महिला, बालबच्चा र बुढाबुढी केन्द्रित गरेर टेन्ट बा“डेका हुन् । ५५ घर परिवारका लागि उनीहरुलाई नेको इन्टरनेश्नलले नेको प्लस न्यानो टेन्ट उपलब्ध गराएको थियो । थुप्रै अन्तराष्ट्रिय फेस्टिवलहरुमा अवार्ड पाइसकेको ‘द कोरियन ड्रिम्ज’ लगायतका डकुमेन्ट्री समेत बनाएका  अशोकले कार्यक्रममा न्यानो टेन्टको प्रयोग सम्बन्धी प्रदर्शन समेत गरेका थिए ।

ओछ्यानमै लाउन मिल्ने कोरियन प्रविधिको टेन्टमा बाहिर जतिसुकै डिग्रीको चिसो भएपनि भित्र २५ डिग्रीको न्यानोपन हुने भएकाले चिसोका कारण हुने विभिन्न रोगहरुबाट पनि बच्च सकिने बताए । पार्क कि दोङले भुकम्प र चिसोलाई नै मध्यनजर गरि नेपालमा पनि टेन्टको उत्पादन थालिएको र आफूहरु छिट्टै अन्य भुकम्प प्रभावित बस्तीमा पनि पुग्ने बताए । ‘सरकारले पनि न्यानो कपडा किन्न दश हजार रुपिया“ सहयोग घोषणा गरिसकेको छ’ रंगकर्मी वाइवाले भनिन्, ‘यस्तो बेला भुकम्प पीडित बस्तीलाई यस्तै सहयोगी हातहरुको खा“चो छ ।’