काठमाडौं  । एक्शन स्टार निखिल उप्रेतीको डेब्यु निर्देशनमा बनेको फिल्म भैरव हाल सर्वत्र चर्चित छ । फिल्म भदौ ११ गतेबाट अल नेपाल रिलिज हुदैछ ।

भैरव सीमा क्षेत्रमा हुने गरेको तस्करी, भ्रष्टाचार, प्रहरीको समर्पण र सरकारको भूमिकाको बिषयमा निर्माण गरिएको पूर्ण मनोरञ्जक फिल्म हो । फिल्ममा निखिल शीर्ष भूमिकामा छन् । सर्लाही र काठमाडौंका बिभिन्न स्थानमा छायांकन गरिएको फिल्ममा खतरनाक एक्शन स्टण्टहरु समाबेश गरिएको निर्माण युनीटले जनाएको छ ।
हालै सार्वजनीक गरिएको भैरवको प्रोमोर शीर्ष गीत अहिले निकै चर्चामा छ । फिल्ममा निखिलका अलावा अनु शाह, मुरलीधर, जयकिसन बस्नेत, नागेन्द्र रिजाललगायतले अभिनय गरेका छन् । रतन दारुवाला निर्माता रहेको फिल्ममा रामजी लामीछानेको कोरियोग्राफी र हिमाल केसीको द्धन्द्ध छ ।