प्रियंकाले चित्त दुखाउँदै लेखिन्, ‘भूकम्प जानु दुई दिनअघि नै गाडी किनेकी हुँ’ | Screennepal

प्रियंकाले चित्त दुखाउँदै लेखिन्, ‘भूकम्प जानु दुई दिनअघि नै गाडी किनेकी हुँ’

काठमाडौं । अभिनेत्री प्रियंका कार्कीले किनेको कारबारे नानाथरी हल्ला चल्न थालेपछि आफ्नो चित्त दुखेको बताएकी छन् । प्रियंकाले ‘राहतको पैसाले किनिन् कार’ भन्ने खालका समाचार विभिन्न अनलाइन मिडियाहरुमा आउन थालेपछि उनी स्टाटस लेख्न बाध्य भएकी हुन् । आफ्नो फेसबुक एकाउन्टमा स्टाटसमार्फत प्रियंकाले चित्त दुखाएका हुन् । उनले स्टाटसमा ‘भूकम्प जान दुई दुई दिनअघि नै गाडी घर भित्राइसकेकीे’ बताएकी छन् । ‘मेरो गाडीको बिषयमा धेरै ना–ना थरी कुराहरु सुन्दैछु, पढदै छु । एकदम चित्त दुखेर आयो । मेरो सबै फ्यान र शुभचिन्तकहरुलाई मेरो केही कुराहरु राख्दै छु’ उनले सोमबार फेसबुकको आफ्नो वालमा ‘फिलिङ ब्रोकनहार्ट’ भन्दै स्टाटसमा लेखेकी छन्, ‘पहिलो कुरा, भुकम्प जान दुई दिन अगाडि गाडी घर भित्राइसकेकी थिएँ । गाडि किनेर घरमा पुजाको तयारी मात्र के गर्दै थियौ । २ दिन भित्रै बिनाशकारी भुकम्प आयो । त्यसपछि धेरै रात म त्यहीँ गाडीमै सुतेकी पनि छु ।’ युकेमा कार्यक्रम गरेर उठाएको पाँच लाख अभैसम्म आयोजकले नपठाएको पनि उनले उल्लेख गरेकी छन् । प्रियंकाले निकै दुःखका साथ यो स्टाटस लेखेको बताएकी छन् । केही दिन अघिमात्र केही न्युज पेपरमा ‘प्रियंकाले किनिन्  आफ्नै कमाइको कार’ शीर्षकमा समाचार प्रकाशित गरेका थिए । त्यसपछि केही अनलाइन मिडियाले ‘प्रियंकाले राहतको पैसाले  कार किनिन्’ आशयका समाचार सम्प्रेषण गरेका थिए ।

priyanka

आफ्नो नयाँ कारसँग प्रियंका ।

प्रियंका facebook स्टाटस जस्ताको तस्तै :

मेरो गाडीको बिषयमा धेरै ना-ना थरी कुराहरु सुन्दै छु, पडदै छु। एक्दम चित्त दुखेर आयो। मेरो सबै फ्यान र शुभचिन्तकहरुलाई मेरा केही कुरा हरु राख्दै छु। पहिलो कुरा, भुकम्प जानू दुई दिन अगाडि गाडी घर भितराई सकेकी थिए। गडि किनेर घरमा पुजाको तयारी मात्र के गर्दै थियौ, २ दिन भित्रै बिनाशकारी भुकम्प आयो। त्यस पछि धेरै रात म त्यही गाडीमै सुतेकी पनि छु।
अब आयो UK को च्यारिटीको पैसा, त्यो पैसा अहिले सम्म हाम्रो UK को कार्यक्रम organiser हरुले नेपाल पठाउनु भएको छैन। हामी त्यहा हुदा, ५ कार्यक्रमबाट ५ लाख उठाउन सफल भयौ। तर त्यो ५ लाखमा अझै अरु पनि स-साना कार्यक्रमहरु गरेर अझै रकम थपेर अनि नेपाल पठाउने भनेर त्यो पैसा अझै UK मा, त्यहाको organizers सङै छ। र रहयो कुरा मेरो UK को कार्यक्रमको पारिश्रमिकको, UK को कार्यक्रम भुकम्प जानू २ महिना अगडी फाइनल गरिएको थियो। ५ शो गरे बापत येति पारिश्रमिक भनेर नि तोकिसकेको थियो, तर जब परिस्थिति त्येस्तो भयो, म, अन्जु पन्त दिदी र शिव परियार जि ले लिनु पर्ने हाम्रो पारिश्रमिक पनि लिएनौ।

आज निकै दुख साथ यी कुरा हरु लेख्दै छु म। जती जे गर्न खोजे पनि हामी सधै नराम्रो हुदो रहेछौ। UK बाट फर्के देखि मैले धेरै पटक गर्भ साथ शेर गरे कि हामिले ५ लाख उठायौ। के त्यो ५ लाख मा मेरो गाडी आयो होला त?? अलि अलि तपाईंहरु पनि बुद्धि लगाउनुस न। हुनै नसक्ने कुरामा येतिकै औला उठाउने, आरोप लगाउने?

म पनि त सामान्य घर कि सामान्य चेली हु नि। मैले पनि त धेरै मेहेनत गरेर पहिलो गाडी किन्दा, खुशी महसुस हुन्छ, साथी- भाइसंग, आफन्तहरुसंग, शुभचिन्तकहरु संग खुशी शेर गर्न मन हुन्छ। सायद यहाँहरुले मेरो खुशीमा साथ दिनु हुन्छ, मलाइ बधाई दिनु हुन्छ भनेर सोच्नु नै मेरो मुर्खता रहेछ।

जुन दिन UK मा गरेको च्यारिटिको पैसा नेपाल आइ पुग्छ, त्यो पैसा बोकेर “charity money” एउटा कागजमा ठूलो ठूलो अक्षरले लेखेर, फोटो खिचेर हाल्ने छु। सबैलाइ बिश्वास गराउन त्येही गर्नु पर्ने रहेछ। यहाको चलन येहि रहेछ।

र अब अन्तिममा मेरा असलि शुभचिन्तकहरुलाई, अहिले जहाँ त्यहा मलाई गलत आरोप लागि रहेको बेलामा यहाँहरुको जुन साथ पाइरहेकी छु, त्येसले शिर कहिले न झुकाउने प्रेरणा मिल्छ मलाइ, आत्मबिश्वास मिल्छ मलाइ, म एक्लै छुइन भन्ने आभास हुन्छ। तपाइहरुको बिश्वासलाई चोट पुराउने काम कहिले पनि गर्दिन। यो कसम खान्छु आज म।



Facebook Comment