काठमाडौं । गायिका शोभा अधिकारी र आरके खत्रीद्वारा स्वरबद्ध पप गीत ‘तिमी मेरो धड्कन हौ …’ को म्युजिक भिडियो निर्माण गरिएको छ । यस भिडियोलाई पूर्वको रमणीय स्थानका साथै सप्तकोसी आसपासमा छायांकन गरिएको हो । म्युजिक भिडियोको निर्देशन सञ्चारकर्मी सुवास संकल्पले गरेका हुन् ।

गीतमा पूर्वेली क्रियाशील टेलिभिजनकर्मी भुपेन्द्र तुम्बाहाम्फेले दृश्य कैद गरेका छन् । प्रेममा मग्न एक जोडीको खुसीका पललाई भिडियोमा आकर्षक ढंगले प्रस्तुत निर्देशक संकल्पले बताए । ‘म पनि यो क्षेत्रमा नयाँ छु तर गीत राम्रो बनेको छ’ गायिका शोभाले भनिन्, ‘मलाई आशा छ यसको भिडियो पनि राम्रो बन्ने छ ।’
म्युजिक भिडियोमा राजबाबु बिसी र सोनु धिमालले अभिनय गरेका छन् । शोभाकै सब्द, आरके खत्रीको कम्पोज रहेको यस गीतको भिडियोलाई डिथ्री प्रोडक्सन नेपाल इटहरीले निर्माण गरेको हो । भिडियो चैतको पहिलो साता रिलिज हुने बताइएको छ ।