काठमाडौं । हिजोआज मान्छेहरु गायिका ज्योति मगरको नाम सुन्दै ‘हट’ हुन थालेका छन् । यस कारणले कि ज्योति नेपाली सांगीतिक क्षेत्रकी ‘हट एण्ड सेक्सी गायिका हुन्’ । यो कुरा उनका आमदर्शक तथा श्रोतालाई राम्रै थाहा छ । यिनै हट गायिकाले माघको यो जाडोमा पनि कपिलवस्तुको चन्द्रौटाका दर्शकलाई करिब एक घण्टा तताइन् । चन्द्रौटामा आयोजित कृषि तथा ब्यापार मेलामा ज्योतिले आफ्नो तातो प्रस्तुती पस्केर दर्शकलाई तताएकी हुन् ।

कार्यक्रम सञ्चालकले ज्योतिको नाम लिनेवित्तिकै हुटिङ सुरु भएको थियो । जब ज्योति स्टेजमा आफ्नो धमाकेदार  प्रस्तुति सहित झुल्किइन्, तब दर्शकबाट वाहवाही सुरु भएको थियो । ज्योतिले लगातार हजारौं दर्शकलाई नचाउन सफल भइन् ।