अभिनेत्री केकी अधिकारी र निराजन प्रधान अभिनित ‘भोली’ बोलको गीत तथा भिडियो सार्वजनिक भएको छ । उक्त गीतलाई गायक सरोज अधिकारीले गाएका हुन् ।
लामो समयदेखि अमेरिका बूदै आएका अधिकारीले २०६६ तिर ‘आज धेरै’ बोलको गीत ल्याएका थिए । त्यसपछि उनले ‘भोली’ ल्याएका हुन् । सार्वजनिक गीतमा शब्द र संगीत उनैकै रहेको छ । गीतको भिडियोमा केकी र निराजनका आलवा ज्योति काफ्लेको पनि अभिनय छ । अमेरिकामै रेकर्ड गरिएको गीतको उक्त भिडियोलाई काठमाडौमै तयार गरिएको हो ।

नितिन चन्दले निर्देशन गरेको उक्त भिडियोमा एउटा विदेसिएको प्रेमीको कथालाई उतारिएको छ । भिडियोमा प्रेमी उज्ज्वल भविश्व खोज्दै विदेसिन पुग्छ । प्रेमी विदेसिएलगत्तै उसकी प्रेमिका उसँग बिताएका दिनहरुको सम्झिँदै भोली फेरी भेट हुने आशासँगै कल्पनामा डुब्न पुग्छे । तर, उसको दुर्भाग्य भनौ, भनिश्य बनाएर फर्कने क्रममा उसको प्रेमीको हवाई दुर्घटनामा निधन हुन्छ ।
सानैदेखि गीतसंगीतमा रुचि राख्ने सरोज परिवारको पनि साथ भएकोले सांगीतिक क्षेत्रमा प्रगति भएको बताउँछन् । ‘यो क्षेत्र सानै उमेरदेखि रुचिको क्षेत्र हो । नेपालदेखि अमेरिकासम्म आएर पनि निरन्तरता दिँदैछु’ उनले भने ।