नेपालको दुर्गम जिल्ला रुकुमकी एक युवती जो ‘माया दिदी’ नामले चिनिन्छिन् । हो, उनै माया दिदीको जीवनीमा आधारित गायक संघर्षसत्ता कृष्णले ‘बेरंगी माया’ बोलको गीत तथा भिडियो ल्याएका छन् ।
दीपेन्द्र केसीले निर्देशन गरेको उक्त भिडियोमा माया दिदीको कथा छ, जो मानसिक सन्तुलन गुमाएपछि भोकप्यासका बीच सडक र गल्लीमा भौतारिरहेकी हुन्छिन् । उनलाई जीवन चलाउन सहयोगको खाचो हुन्छ । तिनै माया दिदीको दर्दनाक र मर्मस्पर्शी जीवनकथालाई भिडियोमा देखाउन प्रयत्न् गरिएको छ । भिडियोमा ‘बेरंगी माया’ बन्दै अभिनेत्री रश्मी पाण्डेले मायाको भूमिका गरेकी छन् । गीतमा गायक कृष्णले पनि अभिनय गरेका छन ।
उक्त गीतमा कृष्णको स्वरसँगै शब्द र संगीत पनि रहेको छ । संगीत संयोजन गोपाल रसाइँलीको रहेको उक्त भिडियोको निर्माण र प्रस्तुति आकर्षक छ । यस भिडियोलाई रामशरण उप्रेतीले खिचेका हुन् भने सम्पादन फराज अर्पणले गरेका हुन् ।