काठमाडौं, ४ चैत । गायक कपिल कस्पालले ‘किन घात गर्यौ’ बोलको गीत हालै श्रोता/दर्शकमाझ ल्याएका छन् । गायक, रचनाकार तथा रेडियो प्रस्तोता कस्पालको स्वर रहेको यस गीतलाई सुवाशचन्द्र ढुंगेलले लेखेका हुन् भने संगीत हरि लम्सालको रहेको छ ।
जनकराज अधिकारीले खिचेको यस भिडियोलाई प्रेम शर्माले सम्पादन गरेका छन् । राग रागिनी इन्ट्रटेन्मेन्टको अध्यक्ष, भक्तपुर सांगीतिक समाजको उपाध्यक्ष कपिल रेडियोकर्मीसँगै सामाजिक अभियानमा पनि सक्रिय छन् ।
गायनसँग सँगै सामाजिक कार्यमा पनि आफूलाई संलग्न गराउँदै आएका उनले आफ्ना अन्य गीतलाई जस्तै यो गीतले पनि श्रोताको मन जित्ने उनको विश्वास छ ।