स्क्रीननेपाल डटकम :
अहिले नेपाली चलचित्र क्षेत्रमा निर्माण पक्षले चलचित्रको प्रचार प्रसारको लागि धेरै उपाय अपनाउने गरेको पाईएको छ । ति उपायहरु धेरै हद सम्म सफल भएको पनि देखिन्छ । यस्तै पुस २८ गते देखि प्रदर्शनमा आउन लागेको चलचित्र “मिस्टर झोले” ले पनि प्रोमोसनको लागि त्यस्तै उपाय अपनाएको थियो । निर्माण पक्षले चलचित्रको “ओखती” शिर्ष गीत धेरै अगाडी सार्वजनिक गरेको थियो । कालीप्रसाद बास्कोटाको शब्द संगीत र स्वरमा तयार भएको उक्त गीतको भिडियो पनि आकर्षक नै तयार भएको थियो । यहि कुरालाई मध्य नजर गर्दै निर्माण पक्षले केहि समय अगाडी उक्त गीतलाई थाती राखेर कबर भिडियो प्रतियोगिताको आयोजना गरेको थियो ।

उक्त प्रतियोगिताको हिजो नतिजा सार्वजनिक गरिएको छ । निर्माण पक्षले राजधानीमा एक कार्यक्रमको आयोजना गर्दै उक्त प्रतियोगिताको नजिता सार्वजनिक गरेको हो । कार्यक्रममा क्रमशः प्रतियोगितामा पहिलो , दोस्रो र तेसो हुने प्रतियोगीहरुलाई पुरस्कार प्रदान गरिएको थियो । उक्त प्रतियोगितामा “क्रिस्टल क्लाउज क्रू” ग्रुपले पहिलो स्थान हासिल गर्यो । प्रतियोगिताको विजेता भन्दै उक्त ग्रुपले पुरस्कार स्वरूप १ लाख ५५ हजार प्राप्त गर्यो ।

यस्तै प्रतियोगितामा दोस्रो हुने “किशन एण्ड डान्स क्रू” ग्रुपले १ लाख २५ हजार र तेस्रो हुने “द डाइनामिक क्रू” ले १ लाख ५ हजार प्राप्त गर्यो । चलचित्रका निर्देशक रामबाबु गुरुङले “ओखती” बोलको कभर भिडियो प्रतियोगिताको लागि २५ भिडियो प्राप्त भएको र त्यस मध्येबाट उत्कृष्ट ३ भिडियोलाई विजेता छानिएको बताए । कार्यक्रममा नायक दयाहाङ राई र नायिका दीया पुन लगायत उपस्थित थिए ।

२०७० सालमा निर्माण भएको निर्देशक दीपेन्द्र के. खनाल निर्देशित तथा टेकेन खड्काको निर्माणमा बनेको चलचित्र “झोले” टाईटल ब्रान्डलाई प्रयोग गरि टेकेन खड्का प्रोडक्सन र सिनेमा आर्टले संयुक्त रुपमा “मिस्टर झोले” निर्माण गरेको हो । “कबड्डी”, “कबड्डी कबड्डी”, “पुरानो डुंगा” चलचित्रका निर्देशक रामबाबु गुरुङ निर्देशित यस चलचित्रमा दयाहाङ राई , वर्षा राउत , दीया पुन , प्रविण खतिवडा , वृद्धि तामाङ , पुष्कर गुरुङ , अरुणा कार्की , कमलमणी नेपाल , लक्ष्मी वर्देवा , सरोज अर्याल लगायतका कलाकारहरुको अभिनय रहेको छ ।

यस्तै चलचित्रमा शैलेन्द्र डी कार्कीको छायांकन , काली प्रसाद बास्कोटा र सुजेन कार्कीको संगीत , विक्रम स्वारको नृत्य निर्देशन र निमेष श्रेष्ठको सम्पादन रहेको छ । चलचित्रको कथा लेखन तथा निर्देशन रामबाबु गुरुङले गरेका हुन् । यस्तै चलचित्रको निर्माण भने टेकेन खड्काले गरेका हुन् । यस्तै रौनक बिक्रम कडेल चलचित्रको कार्यकारी निर्माता हुन् भने ओम चन्द रौनियार , अर्जुन कार्की र मनिराम पौडेल चलचित्रका सह-निर्माता हुन् ।

हेर्नुस पहिलो भिडियो :

हेर्नुस दोस्रो भिडियो :

हेर्नुस तेस्रो भिडियो :