काठमाडौ, १५ भदौ । एक समयकी चर्चिच गायिका प्राश्ना शाक्य यो शुक्रबार बागबजारस्थित हेल्लो साया गजलबारमा प्रस्तुत हुँदैछिन् । लामो अन्तरालपछि प्राश्ना प्रत्यक्ष प्रस्तुत हुन लागेकी हुन् । लाईभ ब्याण्डसहित प्रस्तुत हुन लागेकी प्राश्नाले काकर्यक्रममा हाम्रो गाउँले जीवन, आवाज देउ लगायतका आफ्ना एक दर्जन गीत गाउनेछिन् ।
प्राश्ना शाक्य कुनै समयकी पप स्टार हुन् । तर, केही वर्ष उनी गायनबाट हराइन् । यसै वर्ष आफ्नो सोलो एल्बमसहित गायनमा कम्ब्याक भएकी प्राश्नाका अझै पनि फ्यान घटेका छैनन् । पप तथा आधुनिक गायनमा सदावहार फ्यान बटुल्दै आएकी प्राश्नालाई हेल्लो साया गजलाबारले अथिति कलाकारका रुपमा निम्ताएको हो ।
हालै मात्र सञ्चालनमा आएको यो गजलबारमा निमियत सांगीतिक प्रस्तुती त छ नै, त्यसबाहेक प्रत्येक शुक्रबार नेपाली गायन क्षेत्रका चर्चित र ख्याती प्राप्त कलाकारलाई निम्ताइने गरिएको छ । यसै अनुरुप यो शुक्रबार प्राश्नाले आफ्नो प्रस्तुती दिन लागेकी हुन् । लाईभ ब्याण्डसहित प्रस्तुत हुन लागेकी प्राश्नाले भनिन्, ‘लामो समयपछि यसरी प्रस्तुत हुँदैछु । कृपया साथ दिनुहोला ।’