काठमाडौं, २३ जेठ । ‘अन्तिमपटक भेट्न आउ’ भन्दै चर्चामा आएका गायक डम्बर नेपाली कार्यक्रम होस्ट बनेका छन् । सधै स्टेज र स्टुडियोमा व्यस्त देखिने डम्बरलाई ब्ल्याक–टीसँग कुनै कलाकारलाई अन्तरवार्ता लिइरहेको देखियो भने अचम्म नमान्नुहोला किनकि, उनले त्यो सुरुवात गरिसकेका छन् । डम्बरले होस्ट गरेको पहिलो कार्यक्रमको यहाँहरु समक्ष आईपनि सकेको छ । यस भागमा डम्बरले लभिन खड्कीसँग भलाकुसारी गरेका छन् । यस नयाँ किसिमको कार्यक्रमलाई रुबुशा क्रियटिभ वर्कस्ले निर्माण गरेको हो ।
गायक तथा मोडल रुकमान लिम्बु निर्माता रहेको ‘ब्ल्याक–टी वीथ फ्युचर सेलेब्स’ नाम दिएको कार्यक्रममा हरेक एपिसोटमा यहाँहरुले डम्बरलाई पाउनुहुनेछ । भव्य सेट लगाएर यस फिरक कन्सेप्टको कार्यक्रम सुरुवात गरिएको छ । जसले गर्दा यो कार्यक्रम दर्शकमाझ चाँडो लोकप्रिय हुने देखिन्छ । यस कार्यक्रमका लागि कन्सेप्ट सुरेन्द्र रानाले गरेका हुन् । यस कार्यक्रमलाई तीन जना क्यामेरा पर्सनले खिचेका छन् ।
यु–ट्युब लहर चलिरहेको बेला केही नयाँ प्रस्तुत दिने हेतुले ‘ब्ल्याक–टी वीथ फ्युचर सेलेब्स’ कार्यक्रम सुरुवात गरेको रुकमानले बताए । उनका अनुसार यस कार्यक्रममा सम्भावना बोकेका प्रतिभालाई स्थान दिइनेछ । त्यसैले प्रतिभा भएर पनि मिडियामा ओझेल परेकाहरुका लागि यो एउटा राम्रो प्लटफर्म हुने देखिन्छ । हेर्नुस्, ब्ल्याक–टीसँग गायक डम्बरलाई ।