काठमाडौं, २२ बैशाख । यस वर्षको चलचित्र पत्रकारिता पुरस्कार तथा सम्मानको घोषणा गरिएको छ । चलचित्र पत्रकार संघ नेपालले प्रदान गर्ने सो पुरस्कार चलचित्र पत्रकारिता दिवसका दिन प्रदान गरिनेछ । चलचित्र पत्रकार संघले प्रत्येक वर्ष ७ जेठमा चलचित्र पत्रकारिता दिवश मनाउँदै आएको छ ।
यस वर्ष रेडियो नेपालमा कार्यरत वरिष्ठ पत्रकार डा. नवराज लम्साललाई प्रदान गर्ने निर्णय गरेको छ । संघको शुक्रबार बसेको कार्यसमितिको बैठकले प्रत्येक वर्षझैँ यसपल्ट पनि चलचित्र पत्रकारितामा सक्रिय रहेका दुईजनालाई चलचित्र पत्रकारिता पुरस्कार दिने निर्णय गरेको हो ।
त्यस्तै, सगरमाथा टेलिभिजनमा फिल्मसम्बन्धी कार्यक्रम सञ्चालन गर्दै आइरहेका पारस पौडेल र अनलाइनखबर डटकमका विजय आवाजलाई पुरस्कृत गर्ने निर्णय गरिएको छ । १५ हजार रुपैयाँ रहेको यो पुरस्कारको राशि यस वर्षबाट बढाएर २१ हजार रुपैयाँ पु¥याइएको छ ।
संघले यस वर्षबाट चलचित्र पत्रकारिता प्रोत्साहन पुरस्कार पनि दिने भएको छ । यो पुरस्कार पहिलोपोस्ट डटकमकी स्वेच्छा राउतलाई दिने निर्णय संघले गरेको विज्ञप्तिमा जनाइएको छ ।