काठमाडौं, ३ पुस । गायक रञ्जित लामा ‘मार्फाको स्याउ…’ लिएर आएका छन् । लामाले आफ्नो नयाँ गीत ‘मार्फाको स्याउ…’ लाई भिडियोमा सार्वजनिक गरेका हुन् ।
लोकपप शैलीको यस गीतको भिडियो निकै आकर्षक छ । भिडियोमा धञ्जित, सरु र रामकृष्णको अभिनय देख्न सकिन्छ । एक युवकले आफ्नो प्रेम जालमा पार्न युवतीलाई घुम्ने बहानामा के के गरेर फकाउन सक्छन् भन्ने प्रसंग भिडियोमा देखाउन खोजिएको छ ।
ज्ञानेन्द्र शर्माको छायाँकन रहेको भिडियो पासांङ योञ्जन लामाले निर्देशन गरेका हुन् । गीतमा जेम्स लामाको शब्द तथा बिक्रम थापाको संगीत रहेको छ ।