काठमाडौं, ३ पुस । गायक मोहन राईले आफ्नो पछिल्लो गीतिसंग्रह ‘कस्तो सपना’ मा समेटेको चर्चित गीत ‘अरुले लाहुरे भने पनि तिमीले पराई नभनिदिनु…’ गीतको भिडियो दर्शकमाझ ल्याएका छन् । उनले सामाजिक सञ्जाल यु–ट्युव माफर्त भिडियो सार्वजनिक गरेका छन् ।
यो गीतलाई डिआईजी नवराज सिलवालले लेखेका हुन् । जसमा सुरेश अधिकारीको संगीत छ । जसमा लाहुर गएका नेपालीहरुको परिवारसँगको सम्बन्धलाई दशाइएको छ ।
गीतमा बिमलेश अधिकारी, सारिका घिमिरेले पती पत्नीको भूमिका निर्वाह गरेका छन् । कुमार महर्जन यसमा पिताको भूमिकामा छन् । बिदुर पाण्डेले छायाँकन गरेको यो भिडियोलाई प्रकाश तुलाधरले सम्पादन गरेका हुन् । जसको निर्देशक डब्बु क्षत्री हुन् ।
बिदेशबाट घरमा आएका लाहुरे पतिले नेपाल बसाईको छोटो समयमा पत्नीलाई खुसी पार्न दिएको मायाँलाई भिडियोमा समेटिएको छ । गीत र भिडियोलाई दर्शकले रुचाउने विश्वास लिएको गायक मोहन राईले बताए ।