काठमाडौं, ३ असार । दि एक्स ब्याण्डका थुप्रा गीतहरु नेपाली मनमुटुमा बसेका छन् । एक्स ब्याण्डको ‘चिया बारीमा’, ‘एउटा चिठीको सहारा’ देखि लिएर ‘सिमाना’लगायत थुप्रा गीत बजारमा हिट छन् । थुप्रा देश विदेश देखि लिएर विभिन्न ठाउँमा आफ्नो प्रत्यक्ष प्रस्तुति दिई सकेको छ । यिनै चर्चित ब्याण्डले ‘नेपालमै भविष्य छ’ भन्ने नारासहित आफ्नो प्रत्यक्ष प्रस्तुति दिने भएको छ ।

यस ब्याण्ड लामो समयदेखि नेपालमा जमी आएको छ । दि एक्स ब्याण्डमा शिव मुखिया भोकलिष्ट हुन् भने सजल राजभण्डारी गिटारिष्ट र सुरेन श्रेष्ठ ड्रमर हुन् ।
साउन ८ गते शनिबार आर.बि. होम कन्सर्न, मित्रपार्क चाबहिल मा एम.पी.एम.एन इभेन्ट प्रालीको प्रस्तुतीमा हुन लागेको उक्त कन्सर्टमा दि एक्स ब्याण्ड सँगै अन्य ब्याण्ड आवर्तन ब्याण्ड, तेजा’ गोल्ड एण्ड ग्यांग ले पनि फिचर गर्ने छन् । साथै रुपा घोष र साथीहरु अनि भिन्तुना जोशीले नृत्य प्रदर्शन गर्ने छन् । त्यस्तैगरी गायक डेभिड शंकर र अन्डीफिटेडले पनि आफ्नो प्रस्तुती दिने छन् ।
उक्त फ्युचर नेपाल समर फेष्टिभल कन्सर्टमा विभिन्न फूड स्टल, फेस पेन्टिङलगायत थुप्रा रोमान्चक कार्यक्रम हुने जानकारी जनाइएको छ ।