काठमाडौं, २९ असार । ‘म्यूजिक खबर म्यूजिक अवार्ड’ मा ९७ वर्षीय राष्ट्रकवि माधवप्रसाद घिमिरेलाई ‘दीर्घ साधना सम्मान’ बाट सम्मानित हुने भएका छन् । २५ हजार ५ सय ५५ नगदसहित राष्ट्रकविलाई सम्मान गर्न लागेको गर्न अध्यक्ष म्यूजिक खबर म्यूजिक अवार्डका अध्यक्ष सुमन बैरागीद्वारा जारी विज्ञप्तिमा जनाइएको छ । त्यस्तै म्यूजिक खबर संगीत पत्रकारिता पुरस्कार पत्रकार रमण घिमिरेलाई ५ हजार ५ सय ५५ राशिसहित सम्मान गरिँदैछ ।
त्यस्तै, गायिका कल्पना गुरुङ र कलाकार रमेशचन्द्र राईलाई म्यूजिक खबर डायस्पोरा संगीत सम्मान प्रदान गर्न लागिएको छ भने बाल गायक डेकेन्द्र थापालाई ‘म्यूजिक खबर बाल प्रतिभा प्रोत्साहन’ प्रदान गर्न लागिएको छ भने लामो समयदेखि गीतसंगीतमा क्रियाशील गायक तिलकबम मल्ललाई ‘म्यूजिक खबर सिङ्गर अफ दि डिकेड’ बाट सम्मान गर्न लागिएको जनाइएको छ । ‘म्यूजिक खबर म्यूजिक अवार्ड’ यो चौथो संस्करण बिहीबार (३० असार)  राजधानीमा हुँदैछ ।