गीतकार राजेश अर्याल ‘प्रेमको फूल’ बोलको गीत लिएर आएका छन् । गायक शिव परियारको स्वर रहेको उक्त गीतमा भुपू पाण्डेको संगीत रहेको छ ।
गीतमा यसपटक अर्यालले मार्मिक शब्द प्रयोग गरेका छन् । उलने यसपटक आफ्नो गीतमा कारुणिक प्रेमभाव उनेका छन् । हुन त उनका हरेक गीतमा प्रेमभाव झल्किएको हुन्छ । उनी भन्छन्, ‘तर, यसपटक गीतलाई अझ बढी सुन्दर बनाउने प्रयास गरेको छु ।’
उक्त गीतको भिडियोमा अभिनेत्री वर्षा राउत र आकाश श्रेष्ठले अभिनय गरेका गरेका छन् । शान थापाको निर्देशन र सुप्रिम पराजुलीको सम्पादन रहेको उक्त भिडियोलाई दर्शकले रुचाएको उनको दावी छ । यस भिडियोलाई अर्जुन तिवारीले खिचेका हुन् । उक्त भिडियोले रिलिज गरिएको छोटो समयमै दुई लाखभन्दा बढीले यु–ट्युबमा हेरिसकेका छन् । आफ्नो भिडियोलाई छोटो समयमै यत्तिका दर्शकले भिडियो हेरेपछि गीतकार अर्याल दंग छन् । भिडियोमा प्रेम र धोकाका कुरालाई प्रस्तुत गरिएको छ ।
लगानी र मिहिनेतअनुसार भिडियोको रेस्पोन्स पाएकाले खुसी लागेको उनले सुनाए । उनले भने, ‘दर्शकबाट पाएको यो मायाले हौसला बढेको छ ।’ लामो समयदेखि अमेरिकामा बस्दै आएका उनले गीतसंगीतलाई पनि साथै अँगाल्दै आएका छन् ।