स्क्रीननेपाल डटकम :
अमेरिकामा बसेर लामो समय देखि नेपाली कला क्षेत्रको वृद्धि विकासमा लागिपरिरहेका कृष्ण राईको दोस्रो गीत तयार भएको छ | उनको आफ्नै शब्द रचना र बादल लिम्बुको संगीतमा “तिमी बाहेक” बोलको आधुनिक शैलीको गीत तयार भएको हो | गीतमा राजेश पायल राईको स्वर समावेश रहेको छ | गीतको रेकर्डिङ भिडियो पनि सार्वजनिक गरिएको छ | उक्त भिडियोबाट नै गीत केहि मात्रामा सुन्न सकिन्छ तर पुरा गीत भने आउन बाँकी नै छ | गीतको म्युजिक भिडियो पनि गीत संगै रिलिज गरिने कृष्ण राईले जानकारी दिएका छन् | उनको अनुसार अहिले भिडियो निर्माणको तयारी भईरहेको छ |

उनको यस अगाडी नै २०१७ मा “तिम्रो रुपै देखेर” बोलको पहिलो गीत तयार भईसकेको छ | यस गीतमा भने उनको शब्द र संगीत रहेको छ भने राजेश पायल राईले नै यस गीतमा पनि स्वर दिएका छन् | यहि गीतबाट नै उनले नेपाली गीत संगीतमा गीतकार र संगीतकारको हिसाबले अफिसियल रुपले हात हालेका थिए | तर कला क्षेत्रमा भने उनि लामो समय देखि नै आबद्ध रहेका थिए | उनको पहिलो गीतको पनि म्युजिक भिडियो पनि बजारमा आएको छैन | सम्भवत उनले अब पालैपालो नै २ गीत बजारमा लिएर आउने तयारी गरेको बुझ्न सकिन्छ | तर उनले आफुलाई पहिलो भन्दा दोस्रो गीतबाट निकै आश रहेको बताएका छन् |

अहिले उनि आफ्नो २ गीतको भिडियो निर्माणको तयारीमा जोडतोडले लागिरहेका छन् भने त्यसको साथमा अरु व्यक्तिहरुको म्युजिक भिडियो निर्देशनमा पनि ब्यस्त रहेका छन् | उनि गीतकार र संगीतकार संगै डान्सर, मोडल, क्यामरामेन, सम्पादक र भिडियो निर्देशक पनि हुन् | उनि भित्र यति धेरै कला समाहित रहेको छ | उनि अमेरिकामा बस्न थालेको ७ बर्ष बितिसक्यो | यो धेरै लामो समय हो तर नेपाली कला र सांगीतिक क्षेत्रको माया उनको मनबाट हट्न सकेको छैन | अवश्य पनि उनको योगदान नेपाली कला क्षेत्रमा धेरै छ | विदेशमा बसेर उनले गरेको संगर्षले धेरै नया प्रतिभा बाहिर लिएर आउन समेत मदत गरेको छ |